Van Manchester noar stuutsiekoorn/striepsiekoorn
Ik heb (zie foto) dizze degelke stuutsiekoorn drijkwaarts-jaze, oeit in de midden joareg zeuventeg kocht bie Pedde Wierengoa op t Knoal. Dij zien klairoaziemaggezien was stoef noast de gereformeerde kerke. Aiglieks is dit n Knoalster Streekprodukt uut vergangen tied. Dizze jaze is nog sniedert deur de firmoa Goos op t Knoal, dij heur atelier haren op d' industrieterraain achter d'wottertoren. d'Stuutsiekoorn stof is van drij golden kronen kwaliteit en komt van de firma van Heek/Schuttersveld uut Enschede. Ik heb dizze jaze tot ìnd van de veurege aiw doaglieks droagen en dus dragt t n bult herinnerns mit zuk mit. As dizze jaze kon proaten......
De noam Manchester
De noam Manchester is ofkomstig van de Engelse stad woar dizze stof vrouger veul moakt wuir. In t Grunnegers hait Manchester ook wel ommejas. Dij noamgeven verwist noar n aandere perduktiestee:de Noord-Fraanze stad Amiens. Behaalve ommejas en mesester (Manchester) is corduroy in t Grunnegers bekend as stuutsiekoor of konnerstuutsiekoor. ’Koor’ komt van koord, of ribbel. t Gaait hierbie om n geribbelde stof, woarbie de ribbel hail stoef tegen nkaander aanligt. Dit hait ook wel constitutiekoord, vandoar stuutsiekoor of konnerstuutsiekoor. t Is zwoare ribbelkatoen, maistaal veur n boksem. Konstutie is n ofgelaaide van t engelse woord constitution in de betaikenis van soamenstellen. Corduroy is oflaaid van t Franse corde du roy: de geribbelde mantel en boksem van de keuning.In de tied van de Fraanze keuningen (tot aan de rebulie in 1789) was dit bie wieze van spreken n exclusieve stof. Loater wuir t meer en meer de klairoazie van de aarbaaider. En in de joaren zesteg en zeuventeg was t ook dracht van linkse politici, welzijnswaarkers en opbaauwwaarkers. Aandere Grunneger en in t aanpoalende Drenthe gangboare benoamens van corduroy binnen tinneroy, (s)triepkoor (trijpkoorden) of koorstreept. Nou hait zukswat mit ribbels al hail gaauw corduroy, zo kinnen wie op t heden corduroyskipistes, corduroystucwaark en akkerbaauw volgens n corduroypatroon.
n Mooie herinnern aan dou
As besloet nog n herinnern van Jan Kuipers uut Emmen: Van stuutsiekoor noar striepkoor. "Mijn vader had een maatkledingzaak in Zuidbarge een Drents zanddorp op het zuidelijkste puntje van de Hondsrug . In de jarig veertig leverde hij ’striepkoornboksen en jassen’ op maat. Gemiddeld eens in de veertien dagen werd er een dag aan besteed om ze te maken. De naaimachines werden dan omgesteld op ’zwoarwaark’ dikke naalden en andere spoelinstellingen om het ’iesdergoarn’ waarmee genaaid werd te verwerken. Striepkoor –manchester lag op grote rollen in de ’stoffenkast’ in drie kwaliteiten en twee breedtes Met 1 en 3 kronen en de naam ’Manchester’ in goud op de binnenkant van de stof gedrukt. Geleverd en gemaakt door de firma Van Heek uit Enschede een leverancier waar mijn grootvader in de jaren dertig ook al zijn ’striepkoor’ van betrok Degelijke waar uit Nederland anders dan de naam Manchester doet vermoeden. Van de ’Drie Kronen’ werd gezegd dat hij zo stijf en zwaar was dat je eruit kon stappen zodanig dat de ’boksem’ rechtop bleef staan om de volgende morgen er weer zo in te kunnen stappen”.
Henk Scholte consulent Huis van de Groninger Cultuur
